Robot Dəstəkli Cərrahiyyə Nədir?

Robot dəstəkli cərrahiyyə sistemi üç bölmədən ibarətdir. Birincisi pasiyentin üzərinə gələn və cərrahın hərəkətlərini eyni zamanda cərrahi sahədə həyata keçirən robot qollarının olduğu bölmədir. Bu hissədə robotun qolları var. Bu qollardan biri, laparoskopik sistemdə olduğu kimi pasiyentin bədəninin içindən görüntü alaraq bu görüntünü cərraha çatdıran kameranı daşıyır. Bu kamera üç ölçülü və yüksək dəqiqlikli görüntü əldə etməyimizi təmin edir.

Laparoskopiyadan fərqli olaraq kamera robot tərəfindən idarə olunduğu üçün titrəməsiz bir görüntü təmin edilir. Görüntülənmək istənən nöqtəyə çox yaxınlaşaraq (16 dəfəyə qədər böyüdülmüş görüntü) üç ölçülü görüntü müşayiəti ilə mikrocərrahiyyəyə imkan verir. Digər qollara isə aparılan əməliyyatın tələb etdiyi alətlər (cərrahi qayçı, iynə tutucu, toxuma tutucu, toxuma kəsici və s.) cərrahın istəyinə uyğun yerləşdirilir. Robotun bu bölməsində ümumilikdə 4 qol var. Bəzi əməliyyatlarda bu qolların hamısı, bəzi əməliyyatlarda isə yalnız 3-ü istifadə edilə bilər.

Robot sisteminin digər bir bölməsi isə cərrahın əməliyyatı idarə etdiyi konsol hissəsidir. Burada cərrahın oturmasını təmin edən və üç ölçülü görüntünün olduğu ekranı görməsi üçün hazırlanmış bölmə var. Cərrah buraya oturaraq alnını bu bölməyə söykəyir və üç ölçülü görüntü müşayiəti ilə əməliyyatı aparır. Qollarını isə konsolda olan dayaq hissəsinə söykəyərək barmaqlarını robotun qollarını idarə edəcəyi alətlərə keçirir.

Bu alətlər cərrahın üç ölçülü görüntü müşayiəti ilə pasiyentin bədəninə yerləşdirilən qolları idarə etməsini təmin edən hərəkətlərə imkan verir. Bu alətlər 540 dərəcə dönə bildikləri və 7 istiqamətdə hərəkət edə bildikləri üçün əl hərəkətlərindən qat-qat çoxunu etməyə imkan verir. İnsan əlindəki titrəməni də aradan qaldırdıqları üçün səhv payı minimuma endirilmiş olur. Üçüncü bölmə isə görüntünü əməliyyat otağında olan assistentlərə və tibb bacılarına çatdıran ekranların və tənzimləmələrin edilə biləcəyi idarəetmə blokunun olduğu hissədir.