Robot Dəstəkli Cərrahiyyənin Tarixi

Günümüzdə texnologiyanın inkişafı tibb baxımından da bir çox yeniliyə yol açmışdır. Minimal invaziv cərrahiyyənin tədricən yayılması ilə artıq açıq cərrahiyyə tədricən azalır və yalnız məhdud bəzi xəstəliklərdə tətbiq olunur. Minimal invaziv cərrahiyyə üsullarının başında laparoskopiya, robot yardımlı laparoskopiya və robot dəstəkli cərrahiyyə gəlir. Son illərdə isə robot dəstəkli cərrahiyyə çox daha geniş şəkildə istifadə olunur.

Robot dəstəkli cərrahiyyə ilk olaraq 1985-ci ildə beyin biopsiyası aparmaq üçün PUMA 560 adlı robot sisteminin istifadə edilməsi ilə qeydə alınmışdır. Bu mühüm addım gələcəkdəki inkişafın müjdəçisi oldu. Daha sonra 1987-ci ildə ilk dəfə robot yardımı ilə laparoskopik xolesistektomiya (öd kisəsinin çıxarılması) əməliyyatı, 1988-ci ildə isə transuretral rezeksiya əməliyyatı (prostatın çıxarılması) həyata keçirildi.

1990-cı ildə isə Computer Motion şirkətinin istehsal etdiyi AESOP sistemi ilk dəfə Amerika Qida və Dərman İdarəsi (FDA) tərəfindən endoskopik cərrahi sistem olaraq təsdiqləndi. Ardından 2000-ci ildə Da Vinci Robot Cərrahiyyə Sistemi FDA tərəfindən ümumi laparoskopik cərrahiyyə üçün təsdiq aldı. FDA ilk dəfə bir sistemin bütün bölmələrini (cərrahi alətlər və kamera bölmələri) təsdiqləmiş oldu. Bu inkişafla birlikdə robot dəstəkli cərrahiyyə bir çox cərrahi bölmədə tədricən yayılmağa başladı.

Xüsusilə mamalıq-ginekologiya, urologiya, ümumi cərrahiyyə, ürək-damar cərrahiyyəsi, döş qəfəsi cərrahiyyəsi və qulaq, burun, boğaz cərrahiyyəsi bölmələrində istifadə olunmağa başladı.