ყველაფერი სასირცხვო ნერვის კომპრესიის შესახებ
ოპერაციები ტარდება Acıbadem Altunizade-ის საავადმყოფოში, da Vinci რობოტული ქირურგიული სისტემით.
მოითხოვეთ ვიზიტისასირცხვო ნერვის კომპრესია ქრონიკული მენჯის ტკივილის ერთ-ერთი ყველაზე მნიშვნელოვანი მიზეზია და გამოწვეულია სასირცხვო ნერვის შეკუმშვით იმ ანატომიურ გზაზე, რომელსაც იგი გასდევს. მისი დიაგნოსტიკა სხვა დაავადებებთან შედარებით უფრო რთულია.
რატომ ვითარდება სასირცხვო ნერვის კომპრესია და რა სიმპტომები აქვს მას?
ყველაზე ხშირი მიზეზებია ხანგრძლივად ჯდომა, მრავალი წლის განმავლობაში ველოსიპედით სიარული, სიმძიმეების აწევა, მძიმე ორსულობა, რთული მშობიარობა, ანთებითი ან აუტოიმუნური დაავადება, ენდომეტრიოზი, განმეორებითი ინფექცია, მენჯის არეს დაზიანება ავარიის ან დაცემის შედეგად.
სასირცხვო ნერვის კომპრესიის ყველაზე ხშირი სიმპტომებია წვა, დაბუჟება, მომატებული მგრძნობელობა, ელექტროშოკის ან დანის ჩხვლეტის მსგავსი ტკივილი, საშოსა და სწორ ნაწლავში უცხო სხეულის ან კვანძის შეგრძნება, მოღუნვისა და შეკუმშვის შეგრძნება, კონსტიპაცია (ყაბზობა), ნაწლავთა მოქმედების დროს ტკივილი, შარდვისას წვა, ტკივილი სქესობრივი კავშირის დროს, სქესობრივი ფუნქციის დარღვევა და მგრძნობელობის დაკარგვა.
როგორ ისმება დიაგნოზი სასირცხვო ნერვის კომპრესიის დროს?
როგორც თავიდანვე აღვნიშნეთ, სასირცხვო ნერვის კომპრესია ერთ-ერთი ყველაზე ძნელად დიაგნოსტირებადი დაავადებაა. დიაგნოზის დასმისას ყველაზე მნიშვნელოვანია პაციენტის ანამნეზი, სიმპტომები და ნეიროპელვეოლოგიური გასინჯვა. გასინჯვისას დაზიანებული ნერვის ფესვი ფასდება ტკივილისა და ფუნქციის დაკარგვის თვალსაზრისით. მენჯის მთელ არეში ნერვების ფუნქციები, ასევე ნერვზე წნევის გამომწვევი წარმონაქმნის არსებობა შეიძლება შესწავლილ იქნეს მრტ-ითა და კტ-ით. დიაგნოსტიკის ყველაზე მნიშვნელოვანი მეთოდია 3 ტესლიანი მრტ და ტრაქტოგრაფიის სახით ჩატარებული გამოსახულებითი კვლევა.
როგორია სასირცხვო ნერვის კომპრესიის მკურნალობა?
სასირცხვო ნერვის ბლოკადის მეთოდით, ძალიან წვრილი და გრძელი ნემსით ნერვის ირგვლივ შეყვანილი ადგილობრივი საანესთეზიო პრეპარატით შესაძლებელია ნერვზე წნევის შედეგად განვითარებული ტკივილის გაუტკივარება და შემსუბუქება. გარდა ამისა, იმ შემთხვევაში, როცა მკურნალობის ეს მეთოდი არასაკმარისია, შესაძლებელია ლაპაროსკოპიული და რობოტული ქირურგიის არჩევაც.
კითხვები
რა არის სასირცხვო ნერვის კომპრესია?
სასირცხვო ნერვის კომპრესია ნიშნავს პათოლოგიურ ტკივილს, რომელიც ჩნდება მაშინ, როცა სასირცხვო ნერვი იკუმშება იმ ანატომიურ გზაზე, რომელსაც იგი გასდევს.
სასირცხვო ნერვის კომპრესია და ალკოკის სინდრომი ერთი და იგივეა?
არა, ერთი და იგივე არ არის. თუ სასირცხვო ნერვის კომპრესია ხდება ალკოკის არხში გავლისას, მას ალკოკის არხის სინდრომი ეწოდება.
რატომ ვითარდება სასირცხვო ნერვის კომპრესია?
სასირცხვო ნერვის კომპრესიის ყველაზე ხშირი მიზეზებია: ხანგრძლივად ჯდომა, მრავალი წლის განმავლობაში ველოსიპედით სიარული, სიმძიმეების აწევა, მძიმე ორსულობა, რთული მშობიარობა, ანთებითი ან აუტოიმუნური დაავადება, ენდომეტრიოზი, განმეორებითი ინფექცია, მენჯის არეს დაზიანება ავარიის ან დაცემის შედეგად.
როგორ ვითარდება სასირცხვო ნერვის კომპრესია?
სასირცხვო ნერვის კომპრესია ვითარდება მაშინ, როცა სასირცხვო ნერვი იკუმშება იმ ანატომიურ გზაზე, რომელსაც იგი გასდევს.
ვის უვითარდება ყველაზე ხშირად სასირცხვო ნერვის კომპრესია?
სასირცხვო ნერვის კომპრესია ყველაზე ხშირად უვითარდებათ იმ ადამიანებს, რომლებიც ხანგრძლივად მჯდომარე მდგომარეობაში მუშაობენ, მრავალი წლის განმავლობაში ველოსიპედით დადიან, მუდმივად მძიმე ტვირთს წევენ, ჰქონდათ მძიმე ორსულობა და რთული მშობიარობა, აქვთ ანთებითი ან აუტოიმუნური დაავადება და რომლებსაც ავარიის ან დაცემის შედეგად დაუზიანდათ მენჯის არე.
სად ვითარდება სასირცხვო ნერვის კომპრესია?
სასირცხვო ნერვის კომპრესია ვლინდება ტკივილით იმ არეებში, რომლებსაც სასირცხვო ნერვი ან მისი ტოტები აინერვირებს — ყველაზე ხშირად მენჯის ძვლის არეში მდებარე ორგანოებსა და იმ ქსოვილებში, რომლებამდეც სასირცხვო ნერვი აღწევს.
რა სიმპტომები აქვს სასირცხვო ნერვის კომპრესიას?
სასირცხვო ნერვის კომპრესიის ყველაზე ხშირი სიმპტომებია წვა, დაბუჟება, მომატებული მგრძნობელობა, ელექტროშოკის ან დანის ჩხვლეტის მსგავსი ტკივილი, საშოსა და სწორ ნაწლავში უცხო სხეულის ან კვანძის შეგრძნება, მოღუნვისა და შეკუმშვის შეგრძნება, ყაბზობა, ნაწლავთა მოქმედების დროს ტკივილი, შარდვისას წვა, ტკივილი სქესობრივი კავშირის დროს, სქესობრივი ფუნქციის დარღვევა და მგრძნობელობის დაკარგვა.
როგორ ისმება სასირცხვო ნერვის კომპრესიის დიაგნოზი?
სასირცხვო ნერვის კომპრესიის დიაგნოსტიკაში განმსაზღვრელია პაციენტის ანამნეზი, სიმპტომები და იმ მდგომარეობების დადგენა, რომლებიც ტკივილს ამცირებს ან აძლიერებს. დიაგნოზის დასმის ყველაზე მნიშვნელოვანი მეთოდებია 3 ტესლიანი მრტ და ტრაქტოგრაფიის სახით ჩატარებული გამოსახულებითი კვლევა.
რა მეთოდებით მკურნალობენ სასირცხვო ნერვის კომპრესიას?
დიაგნოზის დასმის შემდეგ ტარდება მკურნალობა, რომელიც აღმოფხვრის ნერვებზე მოქმედი კუნთების დაჭიმულობასა და დაძაბულობას. პაციენტმა უნდა დაისვენოს მაგარ და სწორ ლოგინზე ზურგზე წოლით. ზურგზე წოლა ამცირებს ნერვებზე წნევას, ამიტომ ტკივილი სუსტდება და პაციენტი ისვენებს. გარდა ამისა, სასირცხვო ნერვის ბლოკადის მეთოდით, ძალიან წვრილი და გრძელი ნემსით ნერვის ირგვლივ შეყვანილი ადგილობრივი საანესთეზიო პრეპარატით შესაძლებელია ნერვზე წნევის შედეგად განვითარებული ტკივილის გაუტკივარება და შემსუბუქება.
ერთად შევარჩიოთ თქვენთვის შესაფერისი მეთოდი
გასინჯვისა და ვიზუალიზაციის შემდეგ ნათლად განვიხილოთ, ხართ თუ არა რობოტული ქირურგიისთვის შესაფერისი კანდიდატი.