Şokolad Kistasının (Endometrioz) Robot Dəstəkli Cərrahiyyə ilə Həlli
Əməliyyatlar Acıbadem Altunizade Xəstəxanasında da Vinci robotik cərrahiyyə sistemi ilə aparılır.
Qəbula YazılXalq arasında şokolad kistası kimi də tanınan endometrioz uşaqlığın daxilini örtən, ‘endometrium’ adlanan toxumanın uşaqlıqdan kənarda, başqa orqanlarda müşahidə olunmasıdır. Uşaqlıq divarını təşkil edən bu toxuma uşaqlıqdan kənarda ən çox yumurtalıqlarda, uşaqlıq borularında, bağırsaqlarda, sidik kisəsində, sidik borularında və daxili orqanları örtən qarın pərdəsində (peritonda) rast gəlinə bilir.
Daha nadir olaraq qarın boşluğundan kənardakı orqanlarda da müşahidə oluna bilir. Aybaşı dövründə uşaqlıq daxilindəki endometrium toxumasından yaranan qanaxma bayıra atılır, lakin digər nahiyələrdəki endometrioz ocaqlarında yaranan qanaxma toplanır. Bu toplanma nəticəsində yaranan tünd rəngli mayeni ehtiva edən kistalara şokolad kistası deyilir. Kistanın içində qalan qan ərimiş şokoladı xatırladır.
Şokolad Kistasının Əlamətləri
Şokolad kistasında ən çox rast gəlinən əlamətlərin başında qasıq nahiyəsindəki ağrı gəlir. Xüsusilə aybaşı dövründə normaldan çox daha şiddətli ağrılar və qıcolmalar müşahidə oluna bilir. Bu ağrılar aybaşı dövründən sonra da davam etmə meyli göstərir. Bununla yanaşı, cinsi əlaqədə ağrı, tualetə gedərkən çətinlik, aybaşı dövründə güclü qanaxma kimi əlamətlər də olur.
Şokolad kistasının digər mühüm şikayəti isə sonsuzluqdur. Bunlarla birlikdə ishal, qəbizlik, köp, ürəkbulanma və daimi yorğunluq hissi də şokolad kistası ilə birlikdə müşahidə oluna bilir. Şokolad kistasını təyin etmək üçün fiziki müayinədən və müxtəlif görüntüləmə üsullarından istifadə olunur. Şokolad kistasının qəti diaqnozu isə laparoskopiya ilə qoyulur. Laparoskopiya ilə kiçik bir kəsikdən bədənə yerləşdirilən kamera vasitəsilə uşaqlıqdan kənarda yerləşən endometrial toxuma müayinə olunur.
Şokolad Kistasında Robot Dəstəkli Cərrahiyyənin Üstünlüyü
Robot dəstəkli cərrahiyyənin bir çox digər sahədə olduğu kimi şokolad kistasının müalicəsində də mühüm üstünlükləri var. Robot dəstəkli cərrahiyyə ilə üçölçülü və 16 dəfə böyüdülmüş görüntü müşayiətində ocaqlar çox daha aydın şəkildə müşahidə olunur. Əməliyyat sahəsinin ətraflı şəkildə görüntülənə bilməsi sayəsində anormal toxuma daha dəqiq şəkildə aradan qaldırıla bilir.
Robot qollarının 7 müxtəlif istiqamətdə və 540 dərəcə bucaqla hərəkət etmə qabiliyyəti olduğu üçün bu endometrioz ocaqları qonşu orqanlara zərər vermədən tam şəkildə çıxarılır. 1 sm-dən kiçik kəsiklərdən aparılan bu əməliyyatdan sonra pasiyentlər daha az ağrı hiss edir və sürətli sağalmadan sonra həyatlarına daha tez qayıdırlar. Əməliyyatdan aylar sonra bu izlər tamamilə sağalır və gözlə görünməyəcək səviyyəyə gəlir.
Sizə uyğun üsulu birlikdə müəyyənləşdirək
Müayinə və görüntüləmədən sonra robotik cərrahiyyəyə uyğun olub-olmadığınızı aydın şəkildə müzakirə edək.