შოკოლადის კისტის (ენდომეტრიოზის) მკურნალობა რობოტული ქირურგიით

შოკოლადის კისტის ყველაზე ხშირ სიმპტომებს შორის პირველ ადგილზეა ტკივილი საზარდულის არეში. განსაკუთრებით მენსტრუაციის პერიოდში შეიძლება აღინიშნებოდეს ჩვეულებრივზე გაცილებით ძლიერი ტკივილი და კრუნჩხვები. ეს ტკივილი მენსტრუაციის პერიოდის შემდეგაც გრძელდება ხოლმე. ამის გარდა, არსებობს ისეთი სიმპტომებიც, როგორიცაა ტკივილი სქესობრივი კავშირის დროს, სირთულე ტუალეტით სარგებლობისას და ჭარბი სისხლდენა მენსტრუაციის პერიოდში.

შოკოლადის კისტის კიდევ ერთი მნიშვნელოვანი ჩივილია უნაყოფობა. ამათთან ერთად შოკოლადის კისტას შეიძლება ახლდეს დიარეა, ყაბზობა, შებერილობა, გულისრევა და მუდმივი დაღლილობის შეგრძნება. შოკოლადის კისტის დიაგნოსტიკისთვის გამოიყენება ფიზიკური გასინჯვა და სხვადასხვა გამოსახულებითი კვლევა. შოკოლადის კისტის საბოლოო დიაგნოზი კი ლაპაროსკოპიით ისმება. ლაპაროსკოპიით, მცირე ჭრილიდან სხეულში შეყვანილი კამერით შეისწავლება საშვილოსნოს გარეთ მდებარე ენდომეტრიული ქსოვილი.

რობოტულ ქირურგიას, როგორც სხვა მრავალ სფეროში, შოკოლადის კისტის მკურნალობაშიც მნიშვნელოვანი უპირატესობები აქვს. რობოტული ქირურგიით, სამგანზომილებიანი და 16-ჯერ გადიდებული გამოსახულების თანხლებით, კერები გაცილებით მკაფიოდ ჩანს. საოპერაციო არის დეტალურად ვიზუალიზაციის წყალობით პათოლოგიური ქსოვილი უფრო ზუსტად შეიძლება აღმოიფხვრას.

რადგან რობოტის მკლავებს 7 სხვადასხვა მიმართულებით და 540 გრადუსიანი კუთხით მოძრაობის უნარი აქვს, ენდომეტრიოზის ეს კერები სრულად ამოიკვეთება მიმდებარე ორგანოების დაზიანების გარეშე. 1 სმ-ზე მცირე ჭრილებიდან ჩატარებული ამ ოპერაციის შემდეგ პაციენტები ნაკლებ ტკივილს გრძნობენ და სწრაფი გამოჯანმრთელების შემდეგ უფრო სწრაფად უბრუნდებიან ცხოვრებას. ოპერაციიდან თვეების შემდეგ ეს ნაწიბურები სრულად ხორცდება და თვალით შეუმჩნეველ დონემდე მიდის.