სამგანზომილებიანი გადაწყვეტა საშვილოსნოს დაშვებისთვის რობოტული ქირურგიით
ოპერაციები ტარდება Acıbadem Altunizade-ის საავადმყოფოში, da Vinci რობოტული ქირურგიული სისტემით.
მოითხოვეთ ვიზიტიმენჯის ფსკერში მდებარე კუნთებისა და იოგების რაიმე მიზეზით დასუსტებისა და საშვილოსნოსთვის საჭირო საყრდენის ვერ უზრუნველყოფის შედეგად ვითარდება დაავადება, რომელსაც საშვილოსნოს დაშვება ეწოდება. საყრდენის გარეშე დარჩენილი საშვილოსნო თანდათან საშოსკენ ინაცვლებს და ზოგ შემთხვევაში საშოდან გარეთაც გამოდის.
განსაკუთრებით ხშირად გვხვდება იმ ქალებში, რომლებსაც არაერთი ბუნებრივი მშობიარობა ჰქონდათ ან მენოპაუზაში შევიდნენ, თუმცა საშვილოსნოს დაშვება თითქმის ნებისმიერი ასაკის ქალს შეიძლება განუვითარდეს.
ყურადღება: საშვილოსნოს დაშვება ხშირ შემთხვევაში მარტო არ არის. მას სხვა ორგანოების დაშვებაც შეიძლება ახლდეს!!!
საშვილოსნოს დაშვებას ხშირ შემთხვევაში თან ახლავს შარდის ბუშტისა და სწორი ნაწლავის (სადაც განავალი ბოლოს გროვდება) დაშვებაც. შესაბამისად, გასინჯვისას ისინი აუცილებლად დეტალურად უნდა შეფასდეს. ეს დეტალური შეფასება არის ის ყველაზე მნიშვნელოვანი პირველი საფეხური, რომელიც შემდგომი მკურნალობის წარმატებას განსაზღვრავს.
საშვილოსნოს დაშვება სიმძიმის მიხედვით ოთხ სხვადასხვა სტადიად ფასდება. მსუბუქი, საშუალო, მძიმე და უკიდურესი ხარისხის დაშვების სტადიები სიმპტომების, ჩივილებისა და გინეკოლოგიური გასინჯვის საფუძველზე ადვილად განსხვავდება ერთმანეთისგან. დღეს, რობოტული ქირურგიით ჩატარებული ოპერაციების წყალობით, საშვილოსნოს დაშვების სრულად განკურნებაა შესაძლებელი.
საშვილოსნოს დაშვების სიმპტომები
პირველი ხარისხის (საწყისი) დაშვება ჩვეულებრივ არანაირ სიმპტომს არ იძლევა. ხშირად გვხვდება ბუნებრივი მშობიარობის შემდეგ. თუმცა საშუალო ხარისხის დაშვებასთან ერთად სიმპტომები ჩნდება. ყველაზე ხშირ სიმპტომებს შორისაა სიმძიმის შეგრძნება მენჯის არეში, ორგანოების საშოდან წარმონაქმნის სახით გამოსვლა და ზოგიერთ პაციენტში შარდის შეუკავებლობა.
საშვილოსნოს დაშვებასთან ერთად შეიძლება აღინიშნებოდეს როგორც შარდის შეუკავებლობა, ისე შარდვის შეუძლებლობა!!!
ამის გარდა, საშვილოსნოს დაშვების სიმპტომებს შორისაა საშოდან სისხლდენა, შარდის ბუშტის განმეორებითი ინფექცია, ყაბზობა და სირთულეები სქესობრივი კავშირის დროს. პირველი ხარისხის დაშვებისას ჩვეულებრივ პრევენციულ მკურნალობას ანიჭებენ უპირატესობას. თუმცა დაავადების პროგრესირებისას ქირურგიული ჩარევა გარდაუვალი ხდება
უკიდურესი დაშვების სტადიაზე კი ტარდება ჰისტერექტომია, ანუ საშვილოსნოს ამოკვეთა. ბოლო წლებში ეს ჩარევა რობოტული ქირურგიით ადვილად სრულდება.
რობოტული ქირურგიული ოპერაცია
დღეს ჰისტერექტომიის ოპერაციისთვის რობოტული ქირურგია ერთ-ერთი ყველაზე ხშირად არჩეული მეთოდია. კლასიკურ ლაპაროსკოპიულ მეთოდთან შედარებით სამგანზომილებიანი და გადიდებული გამოსახულების უზრუნველყოფის, უფრო ზუსტი ჩარევის შესაძლებლობისა და როგორც ექიმისთვის, ისე პაციენტისთვის კომფორტული საოპერაციო გარემოს შექმნის წყალობით, რობოტული ქირურგიით ოპერაცია უფრო წარმატებულად და ხანმოკლედ ტარდება.
აუცილებელია თუ არა საშვილოსნოს დაშვებისას საშვილოსნოს ამოკვეთა?
ერთად შევარჩიოთ თქვენთვის შესაფერისი მეთოდი
გასინჯვისა და ვიზუალიზაციის შემდეგ ნათლად განვიხილოთ, ხართ თუ არა რობოტული ქირურგიისთვის შესაფერისი კანდიდატი.